Բարև ձեզ։ Ես այսօր կպատմեմ իմ ծնողների ծննդավայրերի մասին։ Մայրիկս ծնվել է Երևանում, բայց տատիկս ու պապիկս ծնվել են Ջավախքում, Մեծ Գոնդուրա գյուղում։ Իսկ նրանց նախնիները 200 տարի առաջ եկել են Արևմտյան Հայաստանի Էրզրում նահանգից։ Հայրիկս ծնվել է Սյունիքի մարզի Տաթև գյուղում։ Պապիկս Տաթևից է, իսկ տատիկս Տանձատափ գյուղից է։
Տաթևը շատ հայտնի գյուղ է, որովհետև գյուղի մոտ է գտնվում Տաթև վանական համալիրը և << Տաթևեր >> ճոպանուղին։ Տաթևի վանքը IX դարի պատմական հուշարձան է, հայ ճարտարապետության բացառիկ նմուշ, հնագույն հոգևոր կենտրոններից մեկը, ինչպես նաև միջնադարյան Հայաստանի ամենամեծ համալսարանը: Գտնվում է Որոտան գետի վտակի ձորի աջափնյա եզերքին։
<< Տաթևեր >> ճոպանուղին Գինեսի ռեկորդների գրքում գրանցված աշխարհի ամենաերկար հետադարձելի ճոպանուղին (5752 մ) է։ 12 րոպե է թռիչքը Որոտանի կիռճի վրայով, երկնային մայրուղին 320 մ բարձրության վրա է։
Ավանդության համաձայն` վանքը կոչվել է Թադեոս առաքյալի աշակերտ Եվստաթեոսի անունով։ Վանքի մոտ է գտնվում Սբ․ Եվստաթեոս մատուռը (5-րդ դար)։
Տաթևի վանքից երևում է Տանձատափ գյուղը, Տաթև գյուղից 1,5 կմ հարավ-արևելք, Տաթև գետի ձորակում է։
Մարիամ Առաքելյանի բլոգ 